ویروبله زهر جفا قان دوروب دوداقیمده
ویروبله زهر جفا قان دوروب دوداقیمده
- ویروبله زهر جفا قان دوروب دوداقیمده
شهادت حضرت امام کاظم علیه السلام
.
?? زبده الاشعار ??
.
??: @sarmashg_channel
.
مرحوم سید حسین رجائی تبریزی
.
((ویروبله زهر جفا قان دوروب دوداقیمده
دورانمورام ایاقا کُنده وار ایاقیمده))
.
.
قالوبدی عترتیم آغلار منیم سراغیمده
گجه گونوز یولومی گوزلور اشتیاقیمده
بالام رضانی گورِیدیم دوروب قاباقیمده
توکور سرشکینی رخسارینه فراقیمده
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
.
.
آیردیلار منی قوم و قبیله دن دشمن
ویروبله گوشه ی زندانی من غریبه وطن
ایشیم اولوب بو چوخور یرده ناله و شیون
بولنمورم که بو هارونه نیلموشدوم من
ویروبله زهر …
.
.
گتوردی سالدی بو غربت یره من زاری
ایدوبدی سِجنیده درد و بلا گرفتاری
ایدوب بو بیکسه مامور سند خونخواری
او سنگ دلده تاپولماز مروّت آثاری
ویروبله زهر …
.
.
ایدوم نه چاره خدایا بیله اولوب تقدیر
انیس و مونسیم اولموش بو ناله ی شبگیر
نه جرم ایلمیشم واردی منده نه تقصیر
ووروبلا گوشه ی زنداندا بوینوما زنجیر
ویروبله زهر …
.
.
گتوردولر منی تدبیر اوزیله بغداده
هامی بلالره دین اوسته اولدوم آماده
نجه گونوز بو چوخور یرده گلموشم داده
بیز آل احمدی مظلوم ایدوبله دنیاده
ویروبله زهر …
.
.
بو امرده دلخوشیدوم ای خدای باعظمت
سنیله راز و نیازه اولیدی بیر خلوت
دیردیم اوز اوزیمه یاخشی تاپموشام فرصت
هزار حیف عدو ویرمدی منه مهلت
ویروبله زهر …
.
.
دیدیم مسیّبه وار دلده حسرت وطنیم
اگر گیدم تاپولار اوردا دادیمه یتنیم
بالالاریم یولومی گوزلوری وطنده منیم
نجه دوروم ایاقا چوخ ضعیف اولوب بدنیم
ویروبله زهر …
.
.
فلک یتوردی عجب عزّ و اعتباره منی
مدینه دن آییروب گتدی بو دیاره منی
بو غربت اُلکه ده کیملر قویار مزاره منی
قیزیم گلیدی گورِیدی او رختی قاره منی
ویروبله زهر …
.
.
یوخومدی بیرجه نفر بو دیار غربتده
شریک اولا منه درد و غم و مصیبتده
کیمه وصیّت ایدوم دردیمی بو حالتده
گوزوم چوخ آختاروری اوغلومی بو ساعتده
ویروبله زهر …
.
.
رضا گلنده باتار چوخلی غصّه و محنه
بو خسته جسمیمی غسل ایلیوب قویار کفنه
اوزی خبر آپارار حالیمی منیم وطنه
دیر بالالاریما اوخشاسون دویونجا منه
ویروبله زهر …
.
.
نه جرم ثابت ایدوبلر خدا من زاره
ویروبله گوشه ی زندانی یر بو بی یاره
قونوب اُلوم توزی زندانیده بو رخساره
محالیدور اولا بیرده بو دردیمه چاره
ویروبله زهر …
.
.
خوشام اوز عهدیمه بو نقد جان فدا اولسون
وارام بو بیع و شرایه، من اولمارام مغبون
معذّبم ولی مدّتدی اولموشام مسجون
اَیا مُخَلِّص خَلِّصنی مِن یَدِ هارون
ویروبله زهر …
.
.
دعاسی تاپدی اجابت باشا یتوشدی ملال
او دمکه گلدیله زندانه دورت نفر حمّال
گوروبله شمس امامت تاپوب او یرده زوال
ایدر دوداقلاری گویا بیله حکایت حال
ویروبله زهر …
.
.
ویروبدی عبّاسعلی اوّلین بو ابیاتین
رجائیده اونی صدقیله ایلدی تضمین
اوزون جزاسینی ویر ای خدا بو اوچ نفرین
منیله عبّاسعلی بیرده بو سوزی دیه نین
ویروبله زهر …
.
.
#کاظمیه_شهادت
#ویروبله_زهر_جفا_قان_دوروب_دوداقیمده
#رجایی_تبریزی
#ترکی
.
?? #زبدهالاشعار ??
.
??: @sarmashg_channelچوخ گناه ایلمشوخ دهرده سرگردانوخ – #حسینیه –
#حسینیه – (سپتامبر 10, 2019)”>#ائدوبسن_سینمی_سینا_مثالی_غرق_نور_ای_اوخ_لاادری – #حسینیه – (0)Related posts
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح زبده الاشعار