جفادن قان اولان کؤنلوم گلیب دیر جانه دینجلمز
جفادن قان اولان کؤنلوم گلیب دیر جانه دینجلمز
- جفادن قان اولان کؤنلوم گلیب دیر جانه دینجلمز
دینجلمز …
غزلی عارفانه و عاشقانه در هجر یار
.
?? زبده الاشعار ??
.
??: @sarmashg_channel
.
مرحوم حاج اسدالله امانی اردبیلی
.
جفادن قان اولان کؤنلوم گلیب دیر جانه دینجلمز
وئریب حال حیاتین بیر گؤزل جانانه دینجلمز
.
گزیر کوی نگارینده صداقتلن شرافتلن
نئجه انوار عشقینده یانان پروانه دینجلمز
.
طواف کعبه ی رخسار جانانه تلاش ائیلر
یانار هجران اودوندا کیم دوشه هجرانه دینجلمز
.
علاج دردِ دلداری سوروشدوم عارف عاشقدن
دئدی زنجیر عشقه باغلانان دیوانه دینجلمز
.
دوای دردِ عاشق جرعه می دیر ، می ساتان وئرسه
والّا آه عاشقدن می و میخانه دینجلمز
.
قفس دردین گورنلردن سوروش تعریف زندانی
قفسده هر نه وئرسون بلبل نالانه دینجلمز
.
اسیر لطف و احسانوندیر عُشّاق جهان ساقی
او خوان رحمتیندن وئرمه سن پیمانه،دینجلمز
.
کرم قئل درد عشقین ای طبیبیم تئز دواسین وئر
آماندیر بئش صباح عؤمروم چاتار پایانه دینجلمز
.
امانی منتظر دیر بیر پیاله بادیه ساقی
اولوب عُزلت نشین گوشه ی ویرانه دینجلمز
.
.
#مهدیه
#جفادن_قان_اولان_کؤنلوم_گلیب_دیر_جانه_دینجلمز
#امانی_اردبیلی
#ترکی
.
?? #زبدهالاشعار ??
.
??: @sarmashg_channelشما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح زبده الاشعار