سنون حالاتیوه یکسر اورکلر یاندی یازهرا
سنون حالاتیوه یکسر اورکلر یاندی یازهرا
- سنون حالاتیوه یکسر اورکلر یاندی یازهرا
حالات حضرت زهرا سلام الله علیها
.
?? #زبدهالاشعار ??
.
??: @sarmashg_channel
.
سبک :: منیم ای تشنه قربانیم … بزن بر سینه و بر سر … ئوزوم گوردوم … حسین تعجیلیلن گیتمه … خداوندا الیم بوشدی …
.
.
محمد آصف زنجانی
.
.
سنون حالاتیوه یکسر
اورکلر یاندی یازهرا
وروبلار ظلم الیله اود
قاپون اودلاندی یازهرا
.
.
.
پیمبردن صورا سنلن عجب رفتار ائدوب امّت
غریق بحر فکرم بیلمورم آیا ندور علّت
قالوب دیواریله در اورتاسیندا حامله عورت
نجه گور دشمنون بی رحم و بی ایماندی یا زهرا
.
.
.
همیشه حالیوی یاد ایلدوقجا غملریم آرتار
جهاندا گورمدون خوش گون سن ای بانوی خوش کردار
حیاتیندن ال اوزموشدون باتاندا سینوه مسمار
آخوب قان سینوه چون دانه مرجاندی یازهرا
.
.
.
یتوب بوظلملردن صدمه عمرون گلشنی صولدی
مبارک قلبوه بو ماجراده لخته قان دولدی
نجه دشمن روا بیلدی بالان ظلمیله سقط اولدی
یقین بو کثرت غمدن اورک شان شاندی یازهرا
.
.
.
خلاصه شیشه ی عمرَن عدو وردی جفا داشین
اولوب اون سگّیزایل عمرون آخاردی لیک گوزیاشین
بو آز مدتده چکدین غم ، آغاردی غصّه دن باشین
بولوندوردی وفاسین بو نجه دوراندی یازهرا
.
.
.
سنون تک بیر خانم گلسین چتیندور بیرده دنیایه
بلی سنسن حیا کنزینده بیر دُرّ گرانمایه
قاپون یاندی او گل اندامیوه قان اولدی پیرایه
بو رنج و محنتون بیر درد بی درماندی یا زهرا
.
.
.
مگر تاپشیرماموشدی امّته پیغمبر اکرم
سنی قرآنیله ائتموشدی تاکید اول شه اعظم
ندن دوگدی سنی دورین آلوب بیر عدّه نامحرم
سنه منکر اولانلار منکر قرآندی یازهرا
.
.
.
عم اوغلون گلدی گوردی یرده لکن گورمسون گوزلر
دینمم ردّ اولونموشدی باشیندان باشدا کی معجر
عباسین سالدی آخر باشیوه اول شاه بی لشکر
دوشوب تپراقه گوردی پیکرین بی جاندی یازهرا
.
.
.
الین غیضیله آتدی ثانینون دوتدی گریبانین
یره وردی ولی اذن اولماموشدی تو کمگه قانین
غرض بیرایش گوروب ظلم اهلی قوی عرض ایلوم عنوانین
جفائیله یدالله قوللاری باغلاندی یازهرا
.
.
.
بو نچّه بیتی” آصف ” چوخلی پوزقون حالیله یازدی
اگرچه کشتی دل دوشدی گرداب گِله یازدی
مهمدور حاجتی قلبونده بو آمالیله یازدی
گوره بیر کربلایه نوکرین مهماندی یازهرا
.
.
#سبک_علی_اصغر_مه_انور ( بیش از 7 سبک سینه و زنجیر)
.
.
#فاطمیه_شهادت
#سنون_حالاتیوه_یکسر_اورکلر_یاندی_یازهرا
#آصف_زنجانی
#ترکی
.
?? #زبدهالاشعار ??
.
??: @sarmashg_channelشما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.