اشکیم یوزومه اولدی روانه گئجه یاری
اشکیم یوزومه اولدی روانه گئجه یاری
- اشکیم یوزومه اولدی روانه گئجه یاری
حالات حضرت زهرا (س)
.
?? #زبدهالاشعار ??
.
??: @sarmashg_channel
.
الماسی اهری
.
اشکیم یوزومه اولدی روانه گئجه یاری
الده قلمیم گلدی بیانه گئجه یاری
.
قلبیم دوتولوب آه ملالیم گویه قاخدی
قالدیم گئدیم البته هایانه گئجه یاری
.
پروانه کیمین آتش محنتده آلیشدیم
یاندیم غمه چون شمع شبانه گئجه یاری
.
چکدی قلمیم پرده نی واضح اولا مطلب
آچدی سوزونی گلدی فغانه گئجه یاری
.
بو رسمیدی گوندوز کیم ئوله دفن اولونار تئز
تا اولمیا دفنی یانا یانه گئجه یاری
.
تابوتینی چوخ جاهیله همراهی ائدلّر
تشییعینی ائتمزله روانه گئجه یاری
.
قبرین یئری معلوم اولونار دهریده لیکن
دوشمز داها خلق ایچره نهانه گئجه یاری
.
.
القصّه ولی وار خبریم بیر نفر عورت
دفن اولدی گئجه باشدا قرا سینه جراحت
.
.
ترک ائتدی دنی عالمی زهرا گئجه یاری
آی باتدی جهان اولدی غم افزا گئجه یاری
.
دینجلدی گونوز طعنه ی اعدانین الینّن
قویدی یوزونی قبرینه اما گئجه یاری
.
ائتمیشدی وصیّت کی عم اوغلی منی دفن ائت
گیزلینجه اوزون ، گورمیه اعدا گئجه یاری
.
چوخ واردی اورکده محنیم ایسته میرم لیک
اشکین توکه دامانینه مولا گئجه یاری
.
خواهش ائدیرم کوینکون اوستن منه غسل ائت
فاش ایلمرم علّتینی تا گئجه یاری
.
بو دوقّوز ایلی من سنی چوخ زحمته سالدیم
عفو ایله حلال ائت سنی طاها گئجه یاری
.
چخمور نفسیم تنگه دوشوب بار غمومده
سینم داریخور ایله مدارا گئجه یاری
.
چوخ قویما قیزیم زینبی قالسین گوزی آغلار
چون کربُ بلا تک واری مأوا گئجه یاری
.
سنله حسَنون خلعتینی زینبه وئردیم
توضیحینی ائتدیم ائده اجرا گئجه یاری
.
چوخداندی کی بیر کوینک حسینه توخوموشدوم
وئردیم اونیدا ایلیه ایفا گئجه یاری
.
من دای گئدیرم بیرده گوروش محشره قالسین
هر صبح منی ایله دعا یا گئجه یاری
.
بیر قولیدا وئر هر گئجه گل قبریمین اوسته
قویما قالا غمخواریوی تنها گئجه یاری
.
چوخ قبریمین اوستونده دایانما ائوه تئز گئت
تکجه بالالار قویما قالا تا گئجه یاری
.
نیلیم سنه خدمت ائلییه بیلمدیم اما
منَّن صورا چوخ آغلاما حتی گئجه یاری
.
وقت اولدی او وقتی کی علی چوخ محنیله
زهرانی قویوب مغسله اما گئجه یاری
.
زینب حَسَنینیله باخور مغسله ساری
گوز یاشلی دیولّه آنا زهرا گئجه یاری
.
زهرانی علی غسل وئرور کوینکون اوستن
حُزنیله توکوردی سویی اَسما گئجه یاری
.
ناگه چیخوب آی شوقینی جسم اوستونه سالدی
فاش اولدی علیّه نچه معنا گئجه یاری
.
یوز نیلی کیمین گوردی سولوب قول گؤوَریبدی
پهلوسی سینیب سینه سی یارا گئجه یاری
.
دیواره یوزون قویدی اَلی گلمدی غسله
گوز یاشینی توکدی یوزه گویا گئجه یاری
.
سسلندی کی بیلدیم نیه زهرا جوان ئولدون
اعدا سنه چوخ ایلدی ایذا گئجه یاری
.
غسلون نیه پس کوینکون اوستن دئدین اولسون
بیلدیم کی ندور ایندی معما گجه یاری
.
نیلیم کی قولوم باغلیدی یوخ چاره الیمده
شرمنده دی سنَّن بئله مولا گئجه یاری
.
غسلون اِئلییَندن صورا تابوتینه قویدی
حمل ائتدی اونی یدّی اَحبّا گئجه یاری
.
ائودن چیخیلان وقتی گلیب قویمادی زینب
صبر ایله آنا ائتدی تمنا گئجه یاری
.
گئت من دئمیرم شام غم آباده گلرسن
گل مطبخ خولیّه سن اما گئجه یاری
.
سوزدن گئچیرم ایسته دی تا قبرینه قویسون
تئز ظاهر اولوندی ید طاها گئجه یاری
.
سسلندی علی قوی گولومی اللریم اوسته
نه علّته گتدون بونی آیا گئجه یاری
.
وئرمیشدیم علی من سنه زهرانی امانت
تا سولمیا بلکه گُلِ رعنا گئجه یاری
.
گویا ائله اللرده ئولوبدور کی یقیناً
درمان ائلییَنمز هئچ اطبّا گئجه یاری
.
گئت قویما قیزون آغلیا بیت الحزنونده
من بوردا وارام ایلمه سکنا گئجه یاری
.
#الماسی یاپیش صدقیله زهرا اتگیندن
کوثر سویون ائتسین سنه اهدا گئجه یاری
.
.
#فاطمیه_شهادت
#اشکیم_یوزومه_اولدی_روانه_گئجه_یاری
#الماسی_اهری
#ترکی
.
?? #زبدهالاشعار ??
.
??: @sarmashg_channelشما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.