لازمدی بشر اگلشه راحت اوز ایوینده
لازمدی بشر اگلشه راحت اوز ایوینده
- لازمدی بشر اگلشه راحت اوز ایوینده
حالات حضرت زهرا(س)
.
?? #زبدهالاشعار ??
.
??: @sarmashg_channel
.
مرحوم غمکش
.
لازمدی بشر اگلشه راحت اوز ایوینده
آسوده قالا دلده فراغت اوز ایوینده
.
نظم مدنی وضع طبیعت اولا جاری
هر صنفه اولا امن امانت اوز ایوینده
.
ایو اهلنه سوز یوخ اوز ایوینده خطر اولماز
تا اولمیا بیر صنفه اهانت اوز ایوینده
.
امرار معاش ایلیه هر مسلم و کافر
وجدان ایلیه شرط ضمانت اوز ایوینده
.
قوشلاردا فراغتله یاتا اوز یوواسیندا
تا گورمیه بیر قوشدا خیانت اوز ایوینده
.
بیر سوز یتشور فکریمه قویموش منی حیران
زهرایه ندن اولدی جسارت اوز ایوینده
.
قنفذ نه بهانه اَله سالمشدی که گلدی
زهرایه آچوب دست شقاوت اوز ایوینده
.
اود ووردوله درگاهینه صدّیقه بتولین
یوز فاطمیه ویردی نه حالت اوز ایوینده
.
زهرا نجه زهرا اوپوب ایگلردی پیمبر
عِطریله دولار صدر رسالت اوز ایوینده
.
زهرا گُلیدی گلشن طاهاده شکفته
اِعجاز سرافراز و امامت اوز ایوینده
.
بیر بلبل خوشخوانیدی قرآن اوخویاندا
ایلردی فقیرانه حمایت اوز ایوینده
.
با عفّت و گفتارده خوش لحنیدی زهرا
صاحب کرم و فضل و سخاوت اوز ایوینده
.
هم صاحب ایفائیدی هر عهد و وفاده
هم عاهد پیمان سعادت اوز ایوینده
.
هم شاکر انعامیدی درگاه جلیله
علّت اودوی تاپموشدی کرامت اوز ایوینده
.
بذل ایلدی ئوز تازه لباسین فقرایه
چوخلار اونا ایلردی شماتت اوز ایوینده
.
ایش بیر یره یتدی که گلوبندینی ویردی
اول کنز ادب دُرّ ولایت اوز ایوینده
.
چوخ مایلدی صوم و صلاته گیجه گوندوز
پُر عاطفه و فیض و لطافت اوز ایوینده
.
گوندوز اوروج آخشام اوزی افطار ایلمزدی
احسانینه یوخ حدّ و نهایت اوز ایوینده
.
اود دوتدی قاپو فاطمه دیواره دایاندی
آز قالدی یانا روح کرامت اوز ایوینده
.
سسلندی ندور فکروی اظهار ایله ثانی
غم بزمی قوروب آل رسالت اوز ایوینده
.
قویمام آچاسوز بو قاپونی تا نفسیم وار
باخموبدی ولی قوم شرارت اوز ایوینده
.
بین در و دیوارده القانه بویاندی
اولدی بدن و سینه جراحت اوز ایوینده
.
ثانی یتشوب گوردی علی اگلشوب ایوده
دوتدی یقه‌سیندن او خباثت اوز ایوینده
.
چکدی ایشیگه فاطمه دوتدی اتگندن
گوستردی او نامرده شهامت اوز ایوینده
.
باخدی ایلدی قُنفذه بیر نوعی اشاره
قمچی گوتوروب دلده قساوت اوز ایوینده
.
بازولره قمچی وُرولوب سُست اولوب اللر
گوزیاشلو باخوب اهل بلاغت اوز ایوینده
.
قول باغلی شهی چکدیله تا مسجده ساری
هیچ ایتمدیلر ظُلمه کفایت اوز ایوینده
.
زینب دیدی گل فضّه گتور سو ننه‌م ئولدی
ایلر بیزه کیم بیرده کفالت اوز ایوینده
.
سو سپ یوزینه بیرجه دانشسا بیزه بسدور
آز قالدی آلا جانین، حرارت اوز ایوینده
.
آچدی گوزونی فاطمه سسلندی عم‌اوغلوم
گِتدی هارا یا تاپدی اسارت اوز ایوینده
.
عرض ایتدیله ثانی آپاروب مسجده دوردی
یوز قویدی همان سمته او حالت اوز ایوینده
.
بازوسی سنیق سینه یارا چادرین ئورتدی
بیر ایتمدی قهّاره شکایت اوز ایوینده
.
تا گلدی گوروب پیر اوتوروب منبرین اوسته
قول باغلی دوروب شاه ولایت اوز ایوینده
.
سسلندی قولوندان او طنابی آچون اوّل
تا گیتسون عم‌اوغلوم اولا راحت اوز ایوینده
.
انصار و مهاجر ایله‌دوز یاخشی تماشا
اولمادی بیری ایتسون حمایت اوز ایوینده
.
یاددان چیخادوبسوز بابام آخر نفسینده
ایلوبدی نچه جمله وصایت اوز ایوینده
.
گیتدوز که هاموز عرصه‌ده تک قالدی عم‌اوغلوم
ایتدی ئورگوز کفره شراکت اوز ایوینده
.
گر بوشلاماسوز معجریمه اَل آتارام من
شرک اهلی گورر اوندا قیامت اوز ایوینده
.
آیا بیله فکر ایلیسوز تکدی عم‌اوغلوم
زهرا اوتورا دلده رضایت اوز ایوینده
.
زهرا غمین عالم یازا اتمامه یتشمز
«غمکشده» ایدر جزء کتابت اوز ایوینده
.
.
.
#فاطمیه_شهادت
#لازمدی_بشر_اگلشه_راحت_اوز_ایوینده
#غمکش
#یادگار_غمکش
#ترکی
.
?? #زبدهالاشعار ??
.
??: @sarmashg_channelشما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.