ای عمه منیم اقبالیمه باخ یاددان چخادوب اکبرده منی
ای عمه منیم اقبالیمه باخ یاددان چخادوب اکبرده منی
- ای عمه منیم اقبالیمه باخ یاددان چخادوب اکبرده منی
زبانحال حضرت رقیه سلام الله علیها
.
?? زبده الاشعار ??
.
??: @sarmashg_channel
.
مرحوم تقایی اردبیلی
.
ای عمه منیم اقبالیمه باخ
یاددان چخادوب اکبرده منی
ویرانه ده بیر یاد ایلمیور
عباس وفا پرورده منی
.
.
.
عمروم گولی ظلمیله سارالوب
رخساریده قانیاش وار بی بی جان
نازیم چکه بو محبسده منیم
نه بیر اتا قارداش وار بی بی جان
همبازی اولام ویرانه ده من
نه مونس و یولداش وار بی بی جان
قمچی یاراسی آرامیم آلوب
ائتدی بی بی جان افسرده منی
.
.
.
بیر گون واریدی یثربده بی بی
قاسم واریدی اکبر واریدی
باشیمده منیم چوخ عزتیله
زَربَفت و زری معجر واریدی
آغوشه آلوب لایلای دیمگه
شش ماهه علی اصغر واریدی
مبهوتم ئوزوم ئوز طالعیمه
سالمور یادینا اکبرده منی
.
.
.
بالینیمه گل گور نسگیلیمی
آغلا منه سن ای مونس غم
آز قالدی یِتم مقصوده بی بی
ویرانه ده من قول باغلی ئولم
ای کاش گله ویرانه یره
اکبر یوزونی بیر لحظه گورم
گورسم یوزونی فکر ایلمرم
ئولدورسه اگر غملرده منی
.
.
.
آز قالدی چخا جانیم بی بی جان
بو دهریده هئچ یوخ من تک ئولن
نه غسل ائدنیم وار عمه منیم
نه یاسه گلن نه واردی کفن
وئر غسلیمی قاز قبریمی ئوزون
آچما قولومون زنجیرینی سن
بو حالتیله جنتده گوره
تا اینکه بابام حیدرده منی
.
.
.
بیر خوردا قیززام یوخ دادرسیم
غم یورقونیام ویرانه ده من
پر بسته قوشام بو یر قفسیم
صیادلریم چوخ ظلم ایلین
ئولسم من اگر دفن ایله ئوزون
آگاه ائلمه دشمنلری سن
غم چکمه ولی یوخدور کفنیم
قوی قبره قرا معجرده منی
.
.
.
وار خواهشیم ای غم مونسی سن
یولا باشیوی آز آغلا بیر آز
اکبر آدینی ای عمه منیم
قبریم داشینا سن لطفیله یاز
درج ایله بو آز سنیله بو قیز
دنیاده ائدوب چوخ سوز و گداز
بیلسونله بونی زوارلریم
ئولدوردی عدو اللرده منی
.
.
.
امر ایله ئوزون اطرافیمک آلوب
آچسون باشینی فوج اسرا
غم دفترینی آچسونلا بوگون
خوردا باجیلار ائتسونله نوا
نسگل لریمی گئتسوز وطنه
بیر بیر دی ئوزون صغری باجیما
تا اوخشیا شیرین دیللریله
صغرای الم پرورده منی
.
.
.
غم چکمه بی بی شهزاده لری
دنیاده اگر خوار ائتدی فلک
نابود ائده جک دشمنلریمی
بیر عده کمک سیز قاره لچک
بو شامیده من مسکن ایلیوب
تبلیغ ایلیم اسلامی گرک
تا قبله گه مقصود ایلیه
ئوز دوستلریم هر یرده منی
.
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
.
#حضرت_رقیه_شهادت
#ای_عمه_منیم_اقبالیمه_باخ
#تقایی_اردبیلی
#ترکی
.
?? #زبدهالاشعار ??
.
??: @sarmashg_channelشما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.