دیمه که محبس بغدادیدن حجاز اولماز

دیمه که محبس بغدادیدن حجاز اولماز


 

  • دیمه که محبس بغدادیدن حجاز اولماز

    زبانحال حضرت امام کاظم علیه السلام
    .
    ?? زبده الاشعار ??
    .
    ??: @sarmashg_channel
    .
    مرحوم آصف تبریزی و مرحوم ناعمی تبریزی
    .
    دیمه که محبس بغدادیدن حجاز اولماز
    حقیقتین یولونا سدره مجاز اولماز
    .
    ایتورمز عاشق صادق گزنده عشق یولون
    سِچَر مراحلی البته یول طراز اولماز
    .
    دگل بو یر منه زندان مقام موسی دور
    خیال خامیله فرعون سرفراز اولماز
    .
    منه روادی بو زنجیر کین نه هارونه
    نه اینکه سلسله ده شیر اولار گراز اولماز
    .
    وطن دوشوب یادیما گوگلوم ایستوری بالامی
    مگر آتا بالاسین گورماقا مجاز اولماز؟
    .
    گرک رضانی گورم جانیمی ایدم تسلیم
    که دوست سرّینه محرم جز اهل راز اولماز
    .
    بو حبس خانه منه خانقاه عشقیدی چون
    سلوک عشقیده جز آه و سوز و ساز اولماز
    .
    هنوز مستیدی دنیایه دل ویرن هارون
    که چرخ شعبده بازیله ترک و تاز اولماز
    .
    پیمبر اوغلونا ظلمات حبس دور منزل
    که بیر دریچه رخ آفتابه باز اولماز
    .
    گونوز گیجه کیمی ظلمات تو به تو زندان
    بو یر نمازینه هم وزن بیر نماز اولماز
    .
    بو عاشقانه سیزیلتی حضور جاناندا
    بو دل شکسته غریبه گور امتیاز اولماز؟
    .
    قالوبدی گوزلری یولدا وطنده قیزلاریمین
    بیله مصیبت جانکاه و دل گداز اولماز
    .
    دوشوبدی گوگلومه معصوم? دل افکاریم
    فراق اودیله یانان اشکه بی نیاز اولماز
    .
    جگرلریم یارالی غربت ئولکه جان ویرورم
    شکسته قلبیمه بیر کیمسه دلنواز اولماز
    .
    دونوبدی مشعله آهیم جفا و محنتدن
    جفاده سند ستمکاره احتراز اولماز
    .
    منیم شهادتیمه قاتلیم مُصَمَّم دور
    اگر چه فعلینه دشمنده شرم و آز اولماز
    .
    منی بو کُنده و زنجیر،ساخلاماز یولدان
    که زنگ مانع پرواز شاهباز اولماز
    .
    همان مراحلی طی ایلدیم بو زنداندا
    طریق حق گیدنه یوخسا یول فراز اولماز؟
    .
    بو کنج محبس آرا بیر خدادی بیرده اؤزوم
    میسر اوزگیه بیر بیله اعتزاز اولماز
    .
    بو نظمه مبتکر «آصفدی» ،«ناعمی» هرگز
    عقاب تیز پره ، پشه هم طراز اولماز
    .
    .
    #
    #
    #
    #
    #
    .
    ?? # ??
    .
    ??: @sarmashg_channel

    شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.