کربلانی ترک ایله شامه گل جان ویرور بو غربتده زینبون

کربلانی ترک ایله شامه گل جان ویرور بو غربتده زینبون
1 روز پیش اشعار و مدایح, زبده الاشعار
زبانحال حضرت زینب سلام الله علیها در حال احتضار
?? سوال و جواب
.
?? زبده الاشعار ??
.
??: @sarmashg_channel
.
حاج اصغر فرشچی تبریزی
.
کربلانی ترک ایله شامه گل
جان ویرور بو غربتده زینبون
اوخلی کوینگون باغرینا باسوب
گوزلوری بو حالتده زینبون
.
.
غملیدی اورک لخته لخته قان
یدّی قارداشون غم یاراسی وار
عشقی وارحسین زینبون سنه
باشنون اودورچوخ بلاسی وار
هانسی باجینون من تک عمریده
بو قدر قضا ماجراسی وار
بوتجارت عشقدور حسین
سود ایدر تجارتده زینبون
.
.
گل اُلور باجون باغلا گوزلرین
یوخدی بیر نفر قیدینه قالان
بی کسم غریبم بو یرده من
اولماز هیچ منیم دردیمی آلان
گرچه من حسین باغلیانمادیم
گوزلرین سنون آیرولان زمان
گل حسین گوزون باغلا قالمیه
انتظار و حسرتده زینبون
.
.
سن شهید اولاندا بو گوزلریم
سیل تک توکوب قانیاش آغلیوب
صبر ایدوب غمه داغدار اولوب
شهر شامیده سینه داغلیوب
قورتولوبدی عمرخسته جانیله
ایلوری سفر جامه باغلیوب
صون نفسده دی تز یتیر اوزون
حالت زوالتده زینبون
.
.
گل نفس دوشوبدی شماریه
چیرپونوراورک بیقراروام
سمت کربلایه باخورگوزوم
قانیاش آغلوری انتظاروام
گل منه بو لطفون تمام ایله شمع
تک یانان شعله باروام
گل باشیم دیزون اوسته جان ویروم
قالمیه ملالتده زینبون
.
.
آغلیوب باجون چوخ سنه حسین
سنده گل بیرآز آغلا زینبه
داغلیوب باجون سینه سین غمه
سنده سینوی داغلا زینبه
باش یاراسی چوخ باغلیوب باجون
سنده گل یارا باغلا زینبه
بو جهاندا هیچ دینجلنمدی
دینجلر قیامتده زینبون
.
.
هاردا گل حسین اکموشم منیم
گلستانیمون گللری سولوب
با غریقان ایدوب غصّه لرمنی
اشک غم لره گوزلریم دولوب
حسرتیله بو روحی آیرولور
فکری ذکری گل یا حسین الوب
لیک گوزتیکوب گوزلوری یولون
گل زمان رحلتده زینبون
وار ارادتی«عدلینون» بیزه
.
.
روزو شب ایدر گوزیاشین روان
نطقیدن دوشوب خامه یازموری
گون بگون اولورجسمی ناتوان
ایستورم دیم قیل نظراونا
ای شهیدعشق شاه انس وجان
کربلایه دعوت ایله گله
قالمیه شکایتده زینبون
.
.
??زبانحال امام حسین علیه السلام
( جواب)
.
.
روحومون قوشی ایستورم اوچا
پرآچا باشون اوسته بیر قالام
قول بویون اولام سنله بیرباجی
درد و غملرین سینمه آلام
سینم اوسته لیک اصغریم یاتوب
قورخورام دورا سود امر بالام
یوخ آناسونا تاپشورام اونی
آغلاسون چوخ عطشاندی زینبیم
.
.
مندن آیری سن چوللره دوشوب
گوزده اشکوی قانه قاتموسان
داغ بویی بلایه دایانموسان
بالش غمه چوخ باش آتموسان
کربلانی من مدفن ایلدیم
سن دمشق شهرینده یاتموسان
یات رقیمیلن دارخماسون
حالتی پریشاندی زینبیم
.
.
سن مدینه لی من مدینه لی
شامی سن باجی کربلا نی من
سن اسیر عشق من شهید عشق
مسکن ایتموشم نینوانی من
جانه آلموسان سن بلا لری
جانه آلموشام هربلانی من
نهضتیمده وار شرکتون سنون
عالم اهلی حیراندی زینبیم
.
.
#سبک_ساخلا_ناقه_می_کاروانیدن و … ( 8 سبک سینه و زنجیر )
.
.
#زینبیه_شهادت
#کربلانی_ترک_ایله_شامه_گل
#عدلی_تبریزی
#ترکی
.
?? #زبدهالاشعار ??
.
??: @sarmashg_channel
  الهی وصلون عشقینده همیشه بی قرار اولدوم
اشعار و مدایح زبده الاشعار
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
با دوستانتان به اشتراک بگذارید

ای سرور قلب طاها چشم اشگبار آنام وای

ای سرور قلب طاها چشم اشگبار آنام وای
1 روز پیش اشعار و مدایح, زبده الاشعار
شهادت حضرت زهرا سلام الله علیها
.
?? زبده الاشعار ??
.
??: @sarmashg_channel
.
مرحوم محمد شیخ زادگان (مبکی)
.
.
ای سرور قلب طاها چشم اشگبار آنام وای
جانویرن فنا جهاندا قلب داغدار آنام وای
.
.
واقفم آتان اُولندن اولدی تیره روزگارون
پوزدی حال مرتضانی جانویرونجه آه و زاری
غسلوی گجیله ویردی گزلین ایلدی مزارون
وای اولان وطن غریبی تیره روزگار آنان وای
.
.
چرخ دون سنیله بیرآن ایتمدی جهاندا سازش
غمدن اولدی گوزلروندن ابر تک همیشه بارش
گل کیمی سولوب سارالدون اولمادی سنه نوازش
توش اولان غم خزانه موسم بهار آنام وای
.
.
صبح و شامیده گوروردوم ای عزیز? دو عالم
گوز یاشون آخور عذاره گل یوزون دوتوبدی شبنم
گیموسن عزا لباسی قلب عالمه یتوب غم
گاه وای بابا دیورسن گاهی غمگسار آنام وای
.
.
قلبیمه سالان شراره نار درد و فرقتوندی
قیزعیالینه یتیملیق گورموسن نجه چتین دور
خاصه من کیمی بلاکش غرق بحر محنتون دور
زینبون ایدن پریشان هجری بی قرار آنام وای
.
.
اهل کین وجور و بدعت باخمادی عزالیسان سن
زخمدار ایدوبله جسمون تیر غم غزالیسان سن
غسلوی ویرنده گوردی شیر حق یارالیسان سن
گلدی نالیه دیدیم وای جسمی زخمدار آنام وای
.
.
ثانی تز اولیدی ای کاش خلق ایچینده حق ذلیلی
ایتمییدی گل جمالون سیلی ضربتیله نیلی
حشراولونجا صورتونده باقی دور نشان سیلی
محشره سالان شراره غملره دچار آنام وای
.
.
عمروون گلی سارالدی صرصر خزان آپاردی
پیک حق سنی جهاندا گلدی باغریقان آپاردی
قول یارالی سینه یاره یوزده ده نشان آپاردی
جدیمه اولان مدال و دردی آشکار آنام وای
.
.
گلستان دینده سندن قالدی نچه گل نشانه
جورخاریدن سولالار اُف اولا بیله جهانه
وای بالا دیوب گلورسن غملرینده سن فغانه
حشره تک اولان دلندن سلب اختیار آنام وای
.
.
گه بقیعده یوز قورسان قبر پاک مجتبایه
دلده واحسن گلورسن گاهی دشت کربلایه
اوج ایدر فغان و آهون بارگاه کبریایه
(مبکی) تک حسین غمونده قلب داغدار آنام وای
.
.
#سبک_سو_یوخومدی_قیزلاروندان … 5 سبک
.
  حسینچی ام مدال عزتیم وار
فاطمیه_شهادت
#ای_سرور_قلب_طاها_چشم_اشگبار_آنام_وای
#مبکی_تبریزی
#ترکی
#
.
?? #زبدهالاشعار??
.
??: @sarmashg_channel
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح زبده الاشعار
با دوستانتان به اشتراک بگذارید

یارالدان چرخ خضرانی عطادن ال چکر؟ چکمز

یارالدان چرخ خضرانی عطادن ال چکر؟ چکمز
1 روز پیش اشعار و مدایح, زبده الاشعار
تقدیم به بارگاه نوکران باصفای حضرت اباعبدالله الحسین علیه السلام
دؤز حسینچی لر …
.
?? زبده الاشعار ??
.
??: @sarmashg_channel
.
مصیبی تبریزی
.
یارالدان چرخ خضرانی عطادن ال چکر؟ چکمز
زمرّد رنگْ سجّاده صَلادن ال چکر چکمز ( 1 )
چمنده بلبل ِ دستان نوادن ال چکر چکمز
ئورک شور ِ بَلاءُ لِلوِلادن ال چکر چکمز
ولانی آختاران قانلی منادن ال چکر چکمز
بلا مخموری جام ابتلادن ال چکر چکمز
ئولونجه آرزوی کربلادن ال چکر چکمز
.
.
حسینون عشقی بیر اوتدی گرفتار اولمیان بولمز
باشیندا شوق دیدار رخ یار اولمیان بولمز
بو بیر قیمتلی کالادی خریداراولمیان بولمز
آدی درمان دی هر بیر درده بیمار اولمیان بولمز
عزاسی بزم عزت دی عزادار اولمیان بولمز
مزاری کعبه دن اشرف دی زوار اولمیان بولمز
صفا حاجی سی،شش گوشه منادن ال چکرچکمز
.
.
حسینچی آتش عشقین ئورکده جابجا ساخلار
بوعشقین شعله سین تاعرصه محشر به پا ساخلار
ئولونجه باشی دالدان ذبح اولان شاهه عزا ساخلار
حسینه آغلاماق واللهی آللهی رضا ساخلار
بوگوزیاشلارحسین عاشقلرین اوتدان جداساخلار
بوگوزیاش شیعه نین باشین قیامتده اوجا ساخلار
بصیرتلی صفالی گوز بُکادن ال چکر چکمز
.
.
عقیده شیعه نین دی نه پیمبر نه امام ئولمز
بیزیم مکتبده نه شاه و نه نوکر نه غلام ئولمز
حسینچی جان وئرراما نه نهضت نه قیام ئولمز
حسین چی ئولسه ده جام ولادن تشنه کام ئولمز
حسینچی ئولسه ده اوندان قالان عشق ومرام ئولمز
حسینون بی ریا نوکرلری بی احترام ئولمز
ئولنده ، شاه دین بیله گدادن ال چکر چکمز
.
.
حسین آدی گلن مجلسده ذکر انَّ یَهدی وار ( 2 )
مقدّس یردی اوردا قدسیانین جدّ و جهدی وار
معطّر ایلین کامی صفا و عشق شهدی وار
او بزمه باش چکر مولاسی ازّل گوندن عهدی وار
مسیر انسجامه ختم اولان هر هانسی رَهدی، وار
وئرون یر بانی مجلس حسینون اوغلی مهدی وار
حسینچی بیله بزم باصفادن ال چکر چکمز
.
.
حسین دیوانه سی بحر وفاده رتبه سین سانماز
دوشر مین بیر بلایه ئوزمرام و مکتبین دانماز
یانار عشق حسینه آیری بیر آتشده اودلانماز
بو بیرسوزدی اگرچه مدعی لر قانمیوب قانماز
حسین عاشقلرینه آتش دوزخ الولانماز
جهنم آتشینده زائر کرب وبلا یانماز ( 3 )
مگر جنت بئله صدق و صفادن ال چکر چکمز
.
.
قمار عشقیده والله اوتوزماز بی ریا نوکر
مگر اولاد و مال و جانه ایلر اعتنا نوکر
آچار پر طایر روحی ائدر جانین فدا نوکر
محبت دردینه دوشجاقی آختارماز دوا نوکر
اونا بسدور کی بیردفعه دئسون شه؛مرحبا نوکر
بولرکی اوندا اولدی باشی باشلاردان اوجا نوکر
مگر نوکر بئله اجر و جزادن ال چکر چکمز
.
.
گلستان ولایت ده آچان گول خاره باش اگمز
حسینچی جان و مالیندن گئچر اشراره باش اگمز
حسینچی باش وئرر یاره ولی اغیاره باش اگمز
حسینچی پول زور و خلعت زرتاره باش اگمز
حسینچی شهرت و آد آختاران زواره باش اگمز
عزاداره گولوب توهین ائدن کفتاره باش اگمز
بولَرکن مدّعی بیرآن جفادن ال چکر چکمز
.
.
حسینچی قالسا بُرج آلتیندا دا ادنایه یالوارماز
بش اون درهم پولا خاطر گئدوب سُفلایه یالوارماز
باشی توش اولسا شمشیره گینه اعدایه یالوارماز
کی اقیانوس شخصیت گلوب دریایه یالوارماز
سپهر استقامت آفتابی آیه یالوارماز
اونی ئولدورسه لرده دشمن زهرایه یالوارماز
حسینچی مَسلک خیرالنسادن ال چکر چکمز
.
.
حسینون خط سیرینده قرا پرچم ووران ئولمز
عزاسینده جیبیندن خشلیوب ماتم قوران ئولمز
بو یئرده سائل ئولمز شاعرئولمز نوحه خوان ئولمز
حسین بن علی نین نوحه خوانی باغریقان ئولمز
ئولنده ، باشی اوسته گلمسه مولا ،اینان ئولمز
حسینه آغلیان گوز قبر ائویندن ناگران ئولمز
قرانلیق قبرئوزی شَمسُ الضُّحی? دن ال چکر چکمز
.
.
جوشان بیرسیل دور مولامین عشقی برقراراولسون
حسینچی زیر بار ظلمه گئتمز افتخاراولسون
حسینون ماجراسینده گرک گوز اشکباراولسون
بو مکتبده ریا اهلی آییلسون هوشیاراولسون
قرا پرچملره کیم چپ باخا درده دچاراولسون
بوتشکیلاته کیم گولسه گوروم دنیاده خواراولسون
هویدا ذات ملعون اعتِدادن ال چکر چکمز ( 4 )
.
.
حسین عشقین ئورکلرده ائدوب مکنون حق ذوالمن
اودور هاردا گله آدی ئورکدن قان جوشار آنن
حسینچی قلبینی ایلر او باش سیز پیکره مدفن
حسینون بزم یاسینده وورار باشه ائدرشیون
ئولونجه اذن وئرمزتا اوزولسون الدن اول دامن
کفن گیمز ئولنده قاره کوینک ایلیر بر تن
قرا کوینک اولان فخری قرادن ال چکر چکمز
.
.
حسین عاشقلرینی آللادانماز پول و درهم لر
حسینچی فخر ائدر ئوز شاهینه هر ایکّی عالم لر
لوای عشقی دهره اسدیرر هر ایل محرم لر
دامارلاردا جوشارقانی نئجی کی جوش ائدرغم لر
یاغیش تک یاغدیرارگوزیاشینی عیناً جوشان یَم لر
اوجالدار شیعه نین باشین اوجالمیش قاره پرچم لر
مگر شیعه ئولونجه اوُل لوادن ال چکر چکمز
.
.
نئجه دشوار اولار دنیاده یار آیریلسا یاریندن
حسینچی تا ابد ال چکمیوب چکمز نگاریندن
گئدر باشی ولیکن ئوزمز ال ئوز شهریاریندن
حسینچی مست صهبای صفادور غمگساریندن
گئچر فردوسیدن ،گئچمز شه عشقین مزاریندن
او قبری گورماقا والله گئچر دار و نداریندن
گلن نی تک نوایه نینوادن ال چکر چکمز
.
.
حسین چی عزت و جاه و جلالین ثروته ساتماز
حسین چی کربلانی مین بهشت و جنته ساتماز
حسینون بزم یاسین آیری بزم و صحبته ساتماز
حسین چی بی ریا عشقون مقام و شهرته ساتماز
حسین آدینده کی لذاتی ئوزگه لذته ساتماز
اولان قلبینده کی عشقی اوجوز بیر قیمته ساتماز
دیئر عشق اهلیَم عاشق وفادن ال چکر چکمز
.
.
حسینچی تا بو عالم وار قالار میدان آراسیندا
وئرر یول ناوک پیکان عشقه قان آراسیندا
آچار پر طائر روحی اوچار طوفان آراسیندا
اولار اسرار سِرُاللّهه مَحرم جان آراسیندا
حسین آدین دیئر هر آن لب و دندان آراسیندا
یزید و آلینه جولان وئرر جولان آراسیندا
ئولونجه لعن ِ قوم اشقیادن ال چکر چکمز
.
.
نئجه گولشنده گول یَپراقلاری شبنم دن آیریلماز
بولوت ینسه،یاغیش یاغساطبیعت چم دن آیریلماز
حسینچی مکتب پیغمبر اعظم دن آیریلماز
ایشون محکم دوتار بو حصن مستحکم دن آیریلماز
گوزی یاشلی گزر آفاقی گوزلر نم دن آیریلماز
نفس تا سینه سینده وار قرا پرچم دن آیریلماز
کلام (( لا تُعِزُّ مَن تَشا )) دن ال چکر چکمز
.
.
طریق عشق و عزت راهواری زنده دور زنده
آچار عنقای بیعت شهپرین دیدار دلبنده
گئچر باشدان ولی اگمزباشین اولماز سرافکنده
ریاسیز نوکر اولماز تا بودنیا واردی،شرمنده
کرام الکاتبینه جان وئرنده ایلیَر خنده
بیلَر عشقِ حسینیلن گلر امضایه پرونده
ائدن باغ ارَم رشکین ولادن ال چکر چکمز
.
.
حسین بیر گوهر غلطاندی کنز عشق و ایمانه
اونون کرب و بلاسی کعب? جاندی محبّانه
حسینون نوکری مُحرم دی کوی عشقه مستانه
مرام و اعتقاد اوسته گئچر جاندان باتارقانه
وجودی تشن? شُرب شراب وصل جانانه
جدا اوستونده بیر آی دور چکن عشاقی هریانه
جدایه سِیر ائدن دِل گور لقادن ال چکر چکمز
.
.
بودورعاشقلرینرسمیگرک گوزیاشلیجان وئرسون
محبت مکتبینده عاشقانه امتحان وئرسون
شهنشاه ولایه فوج احساسین نشان وئرسون
بویولدالازم اولسا دوغرانان اعضاسی قان وئرسون
قیامتده حسینون سایه سینده حق مکان وئرسون
لهیب آتش و هول جهنم دن امان وئرسون
آلان مس دن طلانی کیمیادن ال چکر چکمز
.
.
حسینون نهضتی برپادی عشق و آبرو اوسته
مرام واعتقاد اوسته نه جنگ و های وهو اوسته
حسین چی مرد میداندور چکر خنجر عدو اوسته
علی تک جنگ ائدر اللهه خاطر نه خدو اوسته
حسین چی سسلرعباسی نمازاوسته وضواوسته
همان عباس کی گئچدی قولوندان جرعه سواوسته
دئدی دوغرانسادا نوکر آقادن ال چکر چکمز
.
.
یازیللار هندیده جان وئردی بیر شخص وفاگستر ( 5 )
وروبلار نعشینه اود،یانسون اولسون تلّ خاکستر
یانوب اعضا ولیکن سینه سی اودلانمیوب آخر
دلیلون اولدیلار جویا ، بیلوندی بو صفامنظر
وُراردی سینه سیندن عشقیلن هر ایل محرّم لر
او سینه یانمیوب یانماز ائشیتسون کلّ عالملر
بئله درده یانان عاشق بُکادن ال چکر چکمز
.
.
«مصیّب»یازحسین بیرپارلاق آی دی باتمیوب باتماز
شرافت ده بیزیم مولایه بیرکس چاتمیوب چاتماز
حسینچی بی ریا اولسا ئوز عشقین آتمیوب آتماز
او عشق پاکه بیر ذرّه ریانی قاتمیوب قاتماز
بو اخلاص وصفانی پول و آده ساتمیوب ساتماز
او پرچم کی حسین عرشه اوجالدیب یاتمیوب یاتماز
سؤز اهلی،جان چیخینجان التجادن ال چکر چکمز
ـــــــــــــــــــــــــــــ
( 1 ) «زمرّدرنگ سجّاده » استعاره از طبیعت سبزگون می باشد
( 2 ) اشارتی برآیه 9 سوره اسرا ؛ انّ هذاالقرآنَ یَهدی للتی هی اقوَمُ ویبشّرالمُومنین . . .
( 3 ) امِنَ منَ النّار ِلزوّار ِالحُسَین
( 4 ) اعتدا؛ دشمنی کردن وعداوت ورزیدن
( 5 ) شرح زیارت عاشورا ؛ تالیف آیت الله میرخانی
.
.
.
#ورود_محرم
#آرزوی_کربلا
#حسینیه_مدح
#یارالدان_چرخ_خضرانی_عطادن_ال_چکر_چکمز
#مصیبی_تبریزی
#ترکی
.
?? #زبدهالاشعار ??
.
??: @sarmashg_channel
  در مِهر پیامبر حیات است حیات
اشعار و مدایح زبده الاشعار
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
با دوستانتان به اشتراک بگذارید

ای مهر سپهر دین و ایمان وی حجت لایزال عم اوغلی

ای مهر سپهر دین و ایمان وی حجت لایزال عم اوغلی
1 روز پیش اشعار و مدایح, زبده الاشعار
زبانحال حضرت زهرا سلام الله علیها
.
?? #زبدهالاشعار ??
.
??: @sarmashg_channel
.
مرحوم عاصی تبریزی
.
ای مهر سپهر دین و ایمان
وی حجت لایزال عم اوغلی
بیر دست خطائیله یتوبدور
عمریم گونونه زوال عم اوغلی
.
.
.
بو چرخ ستمگرین الیندن
گلدیم گیجه گوندوز آه و زاره
آخدی غم و غصه کثرتندن
اشگیم کیمی خون دل عذاره
معلومدی خدمتونده دوزدیم
نه پایه ده محنت و فشاره
بار الم و مصیبت آلدی
ایتدی قدیمی هلال عم اوغلی
.
.
.
دنیاده اگرچه هر بهارین
آردینجا عم اوغلی بیر خزان وار
اما هامی گللره جهاندا
بیر وقت معینی زمان وار
بیر گل سولا اول بهاری
گورموبدی نقدر باغبان وار
بیر گل سولوب اول بهاری
بلبلری اولدی لال عم اوغلی
.
.
.
گل باشیمی لطفاً آل دیز اوسته
ای حجت حق امام عالم
آخر مرضیم ایدوبدی شدت
اولموش داخی یولماقیم مسلم
بیر نچه دقیقه بزم خلوت
چیده ایلیاخ سنیله باهم
من دردیمی ایلرم حکایت
سن توک یوزه اشگ آل عم اوغلی
.
.
.
نه زحمته دوزموشم بولورسن
درگاهیمی یاندیراندا ثانی
بطنمده کی سقط اولوب او گونده
قلبیم یارالاندی آخدی قانی
علت اودی گوگلره اوجالمش
زهرانون عم اوغلی الامانی
اشگیم کیمی خون دل گوزومدن
هر گون آخار اتصال عم اوغلی
.
.
.
هر چند منیم اورکده چوخلی
اندوه و ملال و محنتیم وار
اما بولوسن که وقتیم آزدی
دلده غم بی نهایتیم وار
ویرسن گر اجازه عرض قیلام
گیزلنجه نچه وصیتیم وار
تفصیله محل قالمیوبدی
یوخ الده داخی مجال عم اوغلی
.
.
.
اول بودی قلبوه یتیشسه
مندن گر عم اوغلی رنج و محنت
عفو ایله بو آیرلیق زمانی
دلدن منی ای شه ولایت
بیرده بودی بو بالالاریما
مندن صورا ایله چوخ محبت
قویما اولاری چوخ آغلاسونلا
ای حجت لایزال عم اوغلی
.
.
.
گویلون منی ایستین زماندا
گیزلین گجه گل مزاریم اوسته
قویما حسن و حسینیم آخر
اولسونلا ملول و دلشکسته
ممکن اولا گر گتور اولاری
ای قلبی غمیله زار و خسته
تا قبریمون اوسته آغلاسونلار
من بیکسه لامحال عم اوغلی
.
.
.
درگاهوه یوز قویوبدی #عاصی
مین شوقیله وار دیلنده نیت
تقصیریده اولموش اولسا عفو ائت
قیل بنده وی شامل عنایت
بیز اهل ولایه مخلصانه
بیر عمردی بسلیوب عنایت
سنده کرم ائت جزاسین آرتورور
ای آیت ذوالجلال عم اوغلی
.
.
#سبک_قارداش_یارالی_باشیم_قالوبدور
  سوسوز دلاوریم یارالی اصغریم
فاطمیه_شهادت
#ای_مهر_سپهر_دین_و_ایمان
#عاصی_تبریزی
#ترکی
.
?? #زبدهالاشعار ??
.
??: @sarmashg_channel
http://zobdatolashaar.ir/wp-content/uploads/2019/08/سبک-قارداش-یارالی-باشیم-قالوبدور.mp3
.
.
#
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح زبده الاشعار
با دوستانتان به اشتراک بگذارید

فرقت زهرا مؤثر اولدی بس که بوترابه

فرقت زهرا مؤثر اولدی بس که بوترابه
1 روز پیش اشعار و مدایح, زبده الاشعار
زبانحال حضرت علی علیه السلام در بقیع
.
?? #زبدهالاشعار ??
.
??: @sarmashg_channel
.
سبک : ای وئرن ویرانه یرده … عمه بو ویران سراده …
.
.
مرحوم علی اکبر حامدی ( حامد تبریزی )
.
فرقت زهرا مؤثر اولدی بس که بوترابه
جسمینی قبره قویاندا بیله تاپشوردی ترابه
.
.
.
ای بقیع تُپراقی ساخلا پیکر زهرانی راحت
گورمیوب خوش گون جهاندا چوخ چکوب جور و مشقت
.
.
.
بو گل باغ جناندور واریدی چوخ چوخ طراوت
سالدی ظلمیله طراوتدن بونی اهل عداوت
آفت ظلمیله سولدی بو گل ختم رسالت
وار یری اوز گردشیندن چرخ دون اولسا خجالت
.
.
.
بو گل گلزار طاهادی حبیبه کردگاره
گلسه مین عالم نظیری بیرده گلمز روزگاره
چوخ گوروب دهرین فشارین سالما چوخ سنده فشاره
نازینی چک خسته دور یورقوندی چوخ گورموش مصیبت
.
.
.
تیره لندی کثرت غمدن جهان آغلار گوزینده
پرده چک رخسارینه جان وار علینین بو سوزینده
گورمسون جدی پیمبر ضرب سیلی صورتینده
نقش بند اولموش عذارینده اسفلی بیر علامت
.
.
.
محنت هجرینده جانه گلمیشم من زار و خسته
سنده چک بیر پرده زهرانین بو جسم زاری اوسته
گورمسون زهرا ملاقات ائتسه اعضاسین شکسته
جدی پیغمبر که یوخ جسمینده بیر جای سلامت
.
.
.
آیریلوب اوغلانلاریندان مطلقا گریاندی روحی
کفن ایدنده جان کیمی آلدی کناره یاندی روحی
آغلادوب اهل سمانی گور نجه اودلاندی روحی
داغ هجرانی قالار دللرده تا روز قیامت
.
.
.
گرچه من دفن ائتدیم اما گور نجه افسرده یاتدی
ضرب سیلیدن یانان یوز تازه دن تپراقه باتدی
چون بلادن فارغ اولدی مطلقا مقصوده چاتدی
بیرده هرگز ایلمز بیر کیمسه آزار و اذیت
.
.
.
نسگلی چوخدور حقیقت کشف اولا دنیانی داغلار
آغلورام من قبری اوسته ائوده ده اطفالی آغلار
ایمدی گوز یاشین حسینی صفح? رخساره باغلار
چون گیدوب الدن آناسی ناله سینده واردی شدّت
.
.
.
ایلیوم نچاره گیتماقه ائوه گلمور یوزیمدن
وار یری اشکیم یرینه قان آخا آغلار گوزیمدن
ایلورم حالین قیاس اطفالین آخر اوز اوزیمدن
من بو احواله قالاندا گور اولاردا وار نه حالت
.
.
.
گر ائوه گیتسم حسین ایستر آناسین نیلیوم من
گیتمسم سسلر آنا ایوای ایدر فریاد و شیون
« حامدا » زهرا غمی آل رسولی سالدی دلدن
کیم دوزر بو ابتلایه نیلسون شاه ولایت
.
.
.
#سبک_ای_ویرن_ویرانه_یرده … 4 سبک
.
.
.
#فاطمیه_شهادت
#فرقت_زهرا_مؤثر_اولدی_بس_که_بو_ترابه
#ای_بقیع_تپراقی_ساخلا_پیکر_زهرانی_راحت
#حامد_تبریزی
#ترکی
.
?? #زبدهالاشعار ??
.
??: @sarmashg_channel
  دلبریم پابند اولوب بیر دلبر شیرین دله
اشعار و مدایح زبده الاشعار
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
با دوستانتان به اشتراک بگذارید