ائدوبدور ترک چون دنیانی زهرا
ائدوبدور ترک چون دنیانی زهرا
- ائدوبدور ترک چون دنیانی زهرا
زبانحال حضرت مولی الموالی (ع) بعد از شهادت حضرت زهرا (س)
.
??زبده الاشعار??
.
??: @sarmashg_channel
.
مرحوم #سعدی_زمان و (( #مصیبی_تبریزی )).
ــــ
#سبک_بیا_یابن_الحسن_آرام_جانم … 4 سبک
واگیر برای این سبک :
سن ای طاها مارالی
منی قویدون عزالی
امان مسمار الیندن
یارالی جان یارالی
حَبِیبٌ غَابَ …
.
مشابهhttp://zobdatolashaar.ir/wp-content/uploads/2019/10/سبک-بیا-یابن-الحسن-…-3-سبک.mp3
ــــ
ائدوبدور ترک چون دنیانی زهرا
علی قالدی پریشانحال و تنها
ائدردی ناله دلده وا حَبیبا
دیردی تیره شبلرده او مولا
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ
((بو داغلی سینه می فرقت سیخوبدی
علی نین خیبرین غملر ییخوبدی))
.
.
.
یاراتمیشدی منیم آب و گلیمدن
منه دلسوزیدی خویش و ائلیمدن
سیلینمز نقشه سی لوح دلیمدن
اؤزی گئتدی آدی دوشمز دیلیمدن
حَبِیبٌ غَابَ …
((دان اولدوز تک نگار حیدر آخدی
علی نین سینه سین یاندیردی یاخدی))
.
.
.
ئولوم ایستردی کامه چاتدی زهرا
فراقینده منی آغلاتدی زهرا
گوزوندن مرتضانی آتدی زهرا
قرا توپراقلار آلتدا یاتدی زهرا
حَبِیبٌ غَابَ …
((خزانِ غم ائدوبدور یاسی پرپر
بقیعده گئتدی یاتدی قلب حیدر))
.
.
.
گورنده زینبون رنگی پریده
توکر خون دلین رخساره دیده
یارالی قامتی غمدن خمیده
حبیبیم گئتدی دنیادن شهیده
حَبِیبٌ غَابَ …
((نلر گوردی کی قلبین غملر آلدی
جوانیدی ولیکن تئز قوجالدی))
.
.
.
گوزومده روز روشن ظلمت اولدی
بسان غنچه باغریم قانه دوندی
گل نوخیز باغ وحی سولدی
چراغیم گیچدی پرگاریم پوزولدی
حَبِیبٌ غَابَ …
((صفای عشق گئتدی محفلیمدن
ئوزولدی اللریم طوبا گولیمدن))
.
.
.
الهی ای خداوند توانا
یاراتمشدون اونی انسیّه حورا
کنار اولمازدی بیر گون ائودن اصلا
گیجه وقتی هارا تک گئتدی زهرا
حَبِیبٌ غَابَ …
((منیم یاسیم قالوب آلله چمن سیز
یاتوبدورهاردا زینب سیز حسن سیز))
.
.
.
گیچن گونلر گزور مدّ نظرده
گورر زهرانی ، دل چشمی نظرده
چکور شعله یانار بیر اود جگرده
هله قانی قالور مسمار درده
حَبِیبٌ غَابَ عَنْ عَینِی وَ جِسْمِی
وَ عَنْ قَلْبِی حَبِیبِی لَا یغِیبُ
((یارالی سینیه عالملرآغلار
یانار دیوار، مسمار در آغلار))
.
.
.
ئولوم گرچه بیوک رنج و کَدَردور
ولیکن آیریلیق اوندان بتَردور
اؤزی هر چند غائب از نظردور
ولی گوزده جمالی جلوه گردور
حَبِیبٌ غَابَ …
((اگرچه مرتضاقلبی سینیق دور
ولیکن عمده دردی آیریلیق دور))
.
.
.
الیمدن گئتدی یار دلستانیم
اوجالدی گویلره آه و فغانیم
یانور آهیمله مغز استخوانیم
خدایا نولدی یار مهربانیم
حَبِیبٌ غَابَ …
((نه تئز باشدان علی نین فکرین آتدی
نه تئز گئتدی حریم یاره چاتدی))
.
.
.
گرک قان آغلیام اما صداسیز
حسینیله حسن قالدی آناسیز
یانالّار شمع تک شور و نواسیز
عزیزیم گئتدی قالدیم آشناسیز
حَبِیبٌ غَابَ …
((ئولوب دردآشناسی مرتضانین
سیزیلدور دورت بالاسی مرتضانین))
.
.
.
پیمبردن صورا پشت و پناهیم
فقط زهرائیدی ای دادخواهیم
داخی یوخ بیر نفر امّید گاهیم
سزادور اوج ائده افلاکه آهیم
حَبِیبٌ غَابَ …
((غریب وبیکس وتنهایم آلله
بو گوندن منده بی زهرایم آلله))
.
.
.
منم خیبر شکن دعواده ضرغام
ائدنمزدی منی دلتنگ آلام
الیمدن گئتدی شهبانوی اسلام
کسیلدی طاقتیم سلب اولدی آرام
حَبِیبٌ غَابَ …
((علی داغ فراقه سینه داغلار
پریشان حالینه دریالر آغلار))
.
.
.
علی ای رزملرده شیر قتّال
«حسینی» هم سنه نوکردی هم آل
ائدوب دشمن ولی آشفته احوال
سنی زهرای اطهر انتقام آل
حَبِیبٌ غَابَ …
((مصیب ناله سین عالملره سال
یازار زهرادن هر روز ومه وسال))
ــ
(1) محبوبی که از چشم و جسم من پنهان گردیده، اما محبوب من از قلب من پنهان نخواهد شد.
.
.
.
.
#فاطمیه_شهادت
#ائدوبدور_ترک_چون_دنیانی_زهرا
#آثارالحسینی1 ص 76
#ترکی
.
?? #زبدهالاشعار ??
.
??: @sarmashg_channelشما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.